Il martas dai furlans. Angelo Angeli di Tarcint

Chimic cjandidât al Premi Nobel.

Martas ai 3 di avrîl dal 1077 a nasseve la Patrie dal Friûl. Ogni martas cuindi i fevelarìn di un personaç ilustri da zone dal alt Friûl. Par cjacarâ di Angelo Angeli si sin fats judâ ancje dal Dizionari Biografic dai furlans “Liruti”, dulà che la vôs di Angeli a è stade scrite di Egidio Screm.

Angelo Angeli al è nassȗt a Tarcint tal 1864. La chimiche a è stade, fin di piçul, la sô passion. Daspò il diploma a Udin al è lât a Padue, dulà che Giacomo Ciamician, chimic armen di Triest, lu a sielt come so assistent ancjemò prime ch’a si laureàs. Angeli al à cjapât duncje il titul tal 1891 e tal 1895 al à ricuviert la catedre par Chimiche Docimastiche. Vie pa la Prime Vuere Mondiâl al è stât President da commision pa protezion cuintri i gas asfisiants.
Finide la vuere al è lât professôr prime a Palier e dopo a Florence, dulà ch’al è muart tal 1931.
A sô muart al à lassât dusintevincj publicazions e cinc memoriis. Dôs reazions da chimiche organiche a puartin il so nom: La Reazion di Angeli par il ricognosiment das aldeidis e, simpri dal stes argoment la Reazion di Angeli-Rimini. Al à vint il premi reâl da l’Academie dai Linceus e il premi Cannizzaro; al è po stât insignît da Crôs dal ordin civîl dai Savoia e al è stât cjandidât nȗf voltis pal Premi Nobel. Ai 22 di jugn dal 1968 a è stade metude une plote ta sô cjase di Tarcint: Par Angelo Angeli fî dal fuart popul dal Friȗl, zeniâl rilevatôr di studîs a l’avanguardie da chimiche moderne, studiôs e tecnics talians partecipants al X Congrès nazional di chimiche, lâts ta sô tiere, cun memorie da l’opare imortâl, cun devozion ta sô cjase a poin cheste plote.

(Visited 18 times, 1 visits today)

Note sull'autore

Be the first to comment on "Il martas dai furlans. Angelo Angeli di Tarcint"

Scrivi un commento

Your email address will not be published.


*